BIMËT ΜJEKUESE

bimet mjekesore

BIMËT ΜJEKUESE

          Duke buzëqeshur me krenari i tregonte dhëmbët e bardhë në numër dhe bënte me gisht drejt bimëve, duke thënë: “Unë kurrë nuk pi ujë. Gjithnjë pi çajëra në vend të ujit. Nuk është e thënë që çajërat gjithmonë të jenë të nxehta. Unë pi edhe çajëra të ftohta dηε të akullta, sidomos nga bari i hajdutit (barpezmi), çaji i egër (trauma ose trumza, angjelika)...” vazhdonte ti numëronte të tjera bimë xha Ademi, përderisa mua më shkoi mendja te dhëmbët e mij...

                

            Mu kujtua edhe tregimi i një mjeku zyrtar për një familje mbretërore të shekullit të kaluar, që kishte vdekur ngase kishte përdorur vetëm ushqime të botës shtazore, nga mungesa e vitaminave që organizmi e merr nga bota bimore. Madje dhe ma bënte me dije i njëjti mjek se shumë sëmundje kancerogjene dhe çrregullime të qarkullimit të gjakut dhe zemrës, vijnë nga ushqimi kryesisht shtazor. Edhe pse në vende perëndimore gjithnjë e më tepër zhvillohen të gjitha degët e mjekësisë dhe të farmakologjisë, mjaft shpesh mund të hasen edhe mjeke popullore, shitore të specializuara për makrobiotikë ku mund t’i gjejmë gati të gjitha llojet e bimëve të kërkuara për nevoja shëndetësore. Me shumë pak përkushtim, secili njeri mund të gjej mjaft bimë edhe në barnatoret tona, p.sh.: kamomilen, mendrën, trumzën, kaçën, rrënjën e mugallës së bardhë, etj. Bimët tjera, si bliri, bar blete, bar pezmi me njëmijë gjethe, bar ethesh (kantarioni), hudhra, majdanozi, kopra, hithi, kalendula mjekësore, gjethe dielli, etj. ndodh t’i kemi në oborr apo aty pranë në ndonjë livadh. Mjafton që secila shtëpi ti ketë vetëm këto bimë dhe ti përdor gjatë ditës sipas nevojës.

            Do tju njoftojmë me disa bimë, që do t’ju shërbejnë, mjekojnë dhe freskojnë jeten dhe shendetin tuaj.

            Kaça (Resa canina L.)

            Kjo bimë është fryt i trëndafilit të egër. Veçanërisht është i pasur me vitaminën C. Po ashtu  përmban sasi të mjaftueshme edhe të vitaminave: B, E, K, A, etj.

            Bimët mund t’i gjeni në natyrë, apo t’i bleni të gatshme në barnatore në paketim me filtër qeske. Infuzi me këtë bimë përgatitet kur në 200 ml ujë (në enë) vendoset në të 1 filtër apo 5-10 fruta të thara të kaçës dhe zihen 2 minuta. Çaji përgatitet kur në ujë valë vendoset një qeskë dhe pas dy minutash pihet lëngu. Kryesisht infuzi i kaçës, që merret 3-4 herë në ditë nga 200 ml, përdoret në rastet e dobësimit të organizmit gjatë sëmundjeve, për forcimin e imunitetit, kundër diarresë, gjakderdhjeve, si diuretik, kundër  gripit në rrugët urinare, avitaminozën, sekrecionet e tepërta vagjinale, lodhjet, askariaza (krimbat në zorrë), kundër gripit, kundër anemisë etj. Infuzi i kaçës po ashtu pastron gjakun nga materiet e tepërta.

            Majdanozi (Petroselinum Sativum L.)

            Kjo bimë zakonisht në shumë raste përdoret si mëlmesë e tharë apo e freskët, në shumë gjellëra dhe sallat.

            Këtë bimë më së lehti mund ta gjejmë në secilin treg të perimeve. Është bimë që kultivohet. Përdoret kryesisht e tharë. Në të shumtën e rasteve përdoret e tërë bima: gjethet, rrënja dhe fara. Kjo bimë i stimulon funksionet trupore, bënë pastrimin e gjakut, është diuretik i mirë, me ç’rast ndihmon në largimin e materieve të dëmshme përmes urinimit, rregullon menstruacionet, rregullon tonusin e fijeve të lëmueshme muskulore (zorrët, kanali urinar, mitra, idhëza etj.). Kjo bimë kryesisht përdoret kundër pagjakësisë, lodhjes së përgjithshme, reumës, menstruacioneve me dhembje, etj.

            Dekokti nga kjo bimë bëhet ashtu që marrim tërë bimën dhe e ziejmë 10 minuta. Në 200 ml ujë vendoset një lugë gjelle majdanozi. Në ditë duhet pirë 3 gota çaji të tillë. Megjithatë nuk bënë të teprohet doza, ngase kjo bimë ka substanca të forta aktive që mund të çrregullojnë funksionin e veshkave.